mahilig akong magsulat ng mga kwento, mga tula, mga sanaysay at iba pa.
maliit palang ako, gustung-gusto ko na ang sining.mahilig din akong magbasa, lalo na ng mga kwento, at mga babasahin na mayaman sa impormasyon.

ginusto ko na sundin ang hilig ko nang magkolehiyo ako, pero mas minabuti ko na isantabi muna ito. "Praktikalidad" ika nga nila, dapat na maging praktikal ako sa pagpili ng kursong kukunin ko.

Sa ngayon, pakiramdam ko, para na akong sasabog, kung sakaling hindi ko pa magagawang ihayag ang damdamin ko, ang mga ekspresyon na matagal na panahong naghintay na maihayag.

Ganunpaman, sa kabila ng pagbuhos ng emosyon ko, may takot akong nararamdaman, mga pangamba na hindi ko maunawaan kung saan ba nagmumula.nais kong mas higit na maunawaan ang sarili ko.